DepEd, handa magbaton sang mga manunudlo nga madulaan sang trabaho kasunod sang SC decision nga nagakakas sa Filipino kag Panitikan bilang required subjects sa college
Iloilo City–Nagpasalig ang Department of Education (DepEd) nga nakahanda sila nga magbaton sa mga manunudlo nga madulaan sang trabaho sa kolehiyo.
Ini makaligad nga nagdesisyon ang Korte Suprema nga kakason ang subjects nga Filipino kag Panitikan sa college.
Suno kay Department of Education 6 Asst Regional Director Victor de Gracia wala sang dapat kabalak-an ang mga manunudlo nga madulaan sang trabaho bangud may bakante pa sa senior high schools.
Indi pa man ini mapatuman suno kay De Gracia bangud may mga apelasyon pa sa Korte Suprema nga baliskaron ang ila nauna nga desisyon. (JoMaque)