Ex-Mayor Jed Mabilog, liwat na naman namitlangan ni Pres. Duterte
Papua New Guinea–Liwat ginpaandaman ni Presidente Rodrigo Duterte ang mga narcopoliticians nga may malain nga matabu sa ila kun magpadayon sa ila illegal drug activities.
Isa sa mga gintumod sang pangulo si anay Iloilo City Mayor Jed Patrick Mabilog nga yara subong sa abroad.
Ginpahanumdom man sang pangulo ang natabu kanday Mayors Rolando Espinosa kag Reynaldo Parojinog nga lunsay na nagkalamatay. Pareho nga naangut sa druga ang duha ka alkalde.
Ang pahayag ginhimo ni Duterte sa iya pagpakigsapol sa mga Filipinos sa iya pagbisita sa Papua New Guinea sa diin ginhiwat man ang APEC Summit.
Si Mabilog ang gin-dismiss sang 2017 matapos siya napamatud-an nga guilty sa serious dishonesty bangud sa iya kapaslawan nga mapa-athag ang kwestyonable nga manggad. (JoMaque)