Pagka-delay sa pagpasar sang proposed 2019 budget sa probinsya, maga-apekto sa pila ka proyekto kag empleyado suno sa Provincial Legal Officer

Provincial Capitol–May mga ma-apektuhan kon indi mapasar ang proposed 2019 budget sang probinsya nga 3.7 billion pesos.

Suno kay Provincial Legal Officer Dennis Ventilacion, wala sang mahimo nga bag-o nga mga posisyon kag indi man makapatuman sang bag-o nga mga programa, proyekto kag aktibidad kon reenacted budget ang gamiton sa masunod nga tuig.

Isa sa mga maapektuhan suno kay Ventilacion ang pag-absorb sang provincial government sa San Joaquin Mother and Child Hospital.

Ma-apektuhan man suno kay Ventilacion ang 4th tranche salary increase sang mga Provincial Capitol employees.

Nagpasalig si Ventilacion nga may ginahimo nga mga preparasyon ang provincial government kon indi mapasar ang budget. (AGB)