Amay nga ginpahayag maoy, ginpatay sang iya bata sa Aklan; suspek, wala naghinulsol sa nahimo nga krimen

Aklan— Gingapos sang bata ang tiil kag kamot sang iya amay antes ginhigtan sang tela ang baba kag ilong sang biktima agud indi na makaginhawa.

Patay na sang gindala sa ospital ang 59-anyos nga amay.

Suno sa bata nga si alyas Gerry, 31-anyos, sang New Washington, gin-unahan na lang niya ang iya amay nga masami nagamaoy: “Gin-unahan ko na lang siya kay hambal niya kun indi ko siya mapatay, siya ang mapatay sa akon.”

Ginpahayag ni Gerry nga indi na siya makaagwanta sa ginahimo sang iya amay kun maka-inom.

Kagab-i, Enero 17, hubog nga nagpauli ang amay kag naka-inom man ang bata sang nagluntad ang insidenti.

Suno sa bata, masami ginakastigo sang iya amay ang iya iloy, gina-uyatan ini sa buhok kag ginayudyod sa karsada.

Masami man siya ginapahog sang iya amay nga patyon.

Ginpreso naman ang bata.

Ginpabutyag sang bata nga wala siya naghinulsol sa iya ginhimo. (AGB/NG)