#Dinagyang Update: Nagpasakup sa Tambor, Trumpa, Martsa, Musika, nagdamo subong nga tuig

Iloilo City— Nagalab-ut sa 20 ka partisipante ang magapasakop sa ‘Tambor, Trumpa, Martsa, Musika’ sa Enero 25.

Sa 20 ka mga participants, 14 ang magapasakop sa Elementary level samtang anum sa Secondary level.

Suno kay Mr. Freddie Gallardo sang Iloilo Dinagyang Foundation, Inc. (IDFI), isa sa mga ginbag-o nila subong nga tuig ang pagdugang sang lima ka trumpets sa performance.

Ang kada participant, hatagan sang pito ka minutos nga performance nga lakipan sang Ilonggo Folk Music.

Ang champion sa Elementary level makabaton sang P25,000 samtang P30,000 ang makuha sang champion sa Secondary level. (AGB/JV)