Disiplina, pagsunod sa choreographer kag trainor, rason sa pagkampeon sang Tribu Ilonganon sa Dagyang Tribes Dance Competition sang Dinagyang Festival 2019 – tribe manager

Iloilo City — Gintudluan ang mga estudyante sang Jalandoni Memorial National High School nga nangin kabahin sang Tribu Ilonganon nga mangin disiplinado kag magsunod sa ginatudlo sa ila.

Ini ang ginapatihan ni Mr. Salvador Besares, principal sang eskwelahan, nga rason kon ngaa nagkampeon sila sa Dagyang Tribes Dance Competition sang Dinagyang Festival subong nga tuig.

Suno kay Besares, sa pagsugod pa lang sang ila practice, ginhambalan na ang mga warriors, dancers, drummers kag iban pa nga kabahin sang tribu nga sundon ang ginatudlo sang choreographer kag trainor.

Ginapasalamatan ni Besares ang pag-ugyon sang mga estudyante, mga manunudlo, ginikanan, sponsors kag iban pa nga supporters rason nga nakuha nila ang kampeonato. (AGB)