Calinog SB Member kag mayoralty candidate Francisco ‘Iko’ Calvo, ginkasuhan matapos nakuhaan sang mga pusil sa raid sa iya balay; Calvo, nakapiyansa na

Calinog, Iloilo — Nakapiyansa sa kaso nga illegal nga pagpanag-iya sang pusil si Sangguniang Bayan member Francisco “Iko” Calvo, 48 anyos sang Barangay Libot.

Suno kay PCINSP Jose Nemias Pamplona, hepe sang Calinog MPS, gin-release nila si Calvo las-10:30 kagab-i, Pebrero 5, matapos nagpiyansa sang P100,000.

Gin-aresto si Calvo matapos gin-serbihan sang search warrant sang Pebrero 4 kag nakuha sa iya balay ang defective 25 caliber kag defective nga 22 long barrel firearm nga wala sang lisensya.

Ginconfirmar ni Pamplona nga napasaka na nila ang kaso batuk kay SB member Calvo kaina. (AGB)