City Administrator Atty. Hernando galvez, may panghangkat sa City Budget Officer

ILOILO CITY — Ginhangkat ni City Administrator Atty. Hernando Galvez si City Budget Officer Ninda Atinado nga i-presentar ang tanan nga dokumento sa iya angot sa ginpahayag nga delay sa sweldo sang mga job hires bangud sa delay nga pag-isyu sang job orders sang iya opisina.

Ginpahayag ni Galvez nga indi matuod ang ginahambal sang budget officer.

Nagpahanumdom man siya nga indi dapat paghilabtan sang treasurer kag budget officer ang mga obligasyon sang iban nga opisina agud indi ma-delay ang pag-proseso sang sweldo.

Kun may delay gihapon sa sweldo sang mga job hires, mahimo sila maka-reklamo sa Customer Care Center sang City Hall suno kay Galvez. (JoMaque)