Lalaki sa Pototan, nakuhaan sang pusil kag peke nga mga AFP kag police IDs sang ginserbihan sang search warrant

Pototan, Iloilo — Arestado si Hernane Fuentes, 43 anyos sang Brgy. Jamabalud, Pototan, matapos nakuhaan sang pusil sang ginserbehan sang search warrant mga las-7 kaina sang aga, February 16.

Ginpangunahan sang Pototan police nga gin-updan sang IPPO Special Operations Group Team 2 ang operation batuk sa subject kag na-recover ang 38 caliber revolver nga may tatlo ka mga bala; peke nga police ID; peke nga AFP ID; peke nga firearm license; holster kag magazine pouch.

Suno kay Chief Inspector Ronnie Brillo, hepe sang Pototan Police station, ginareklamo sang mga pumuluyo sa lugar si Fuentes bangud sa pagpakawal sang pusil.

Preso na ang subject sa Pototan Police Station. (AGB/KJT)