Coun. Plaridel Nava, ginatudlo ang City Administrator nga naga-upang agud maswelduhan ang mga ginpahayag excess job hires

Iloilo City — Ginatudlo ni Councilor Plaridel Nava, chairman sang Committee on Appropriations sa City Council si City Administrator Hernando Galvez nga naga-upang agud madayon ang iya proposal nga maswelduhan ang mga ginpahayag excess job hires sa siyudad.

Suno kay Nava, na-istorya na niya si Mayor Joe Espinosa matapos ang legislative inquiry agud masolbar ang problema.

Mapasugot suno sa konsehal si City Treasurer Jinny Hermano nga magpirma sa payroll sang mga excess job hires pero dapat nga ibalik ang ila pangalan kaupod sang city budget officer sa mga job orders agud ma-control ang numero sang mga job hires.

Pero ginapunggan ini ni Galvez bangud ginapanindugan niya nga wala ini sang legal basis.

Ginkakibot ni Nava ang aktwasyon ni Galvez bangud mismo ang alkalde ang pabor sa iya proposal.

Kuntani suno kay Nava, magkooperar na lang si Galvez sa baylo nga nagahimo pa gid sang problema. (JoMaque)