2 construction workers, pilason matapos gintiro sang guwardiya sa Mandurriao

Iloilo City — Duguon ang duha ka construction workers sang gindala sa ospital matapos natiruhan sa San Rafael, Mandurriao kagab-i, Mayo 29.

Sa initial nga impormasyon, ginkilala ang mga biktima kanday Mario Martinez, 23 anyos sang Bolilao, Mandurriao, kag Cesar Lumibang.

Ginatudlo nga nagtiro si security guard Joy Absalon sang Leganes.

Suno sa mga bystanders, tatlo ka lupok ang ila nabatian antes nakit-an nga duguon ang duha. Lunsay napilasan sa dughan ang mga biktima.

Base sa pagpangusisa ni Police Major Marlon Velencia, hepe sang Mandurriao Police Station, ginpahayag nga gingarit-garit ni Martinez ang guwardiya. (JoMaque)