(UPDATE) 38-anyos nga lalaki nga naulamid sa kinagamo sa Smallville Complex, gin-tripingan sang indi magnubo 15 lalaki

By: JoMaque | July 22, 2019, 9:13am

Mandurriao, Iloilo City – Nagapati ang 38-anyos nga naulamid sa kinagamo sa Smallville  Complex nga gin-tripingan siya sang indi magnubo 15 ka mga lalaki sang Sabado sang gab-i.

Suno kay Alyas Bryan sang Villa Carolina, Arevalo, nagkadto sila upod ang iya tatlo ka mga abyan dala ang tatlo ka tuig nga bata nga babaye sa Angel A Resto Bar agud mag-jamming.

Naga inom na sila sang hinali nga nagpalapit ang isa ka lalaki kag ginsumbag siya sa likod kag gindamhagan rason sang nagluntad nga rambol.

Nakalab-ot na sila suno sa iya sa karsada sang inaway kag sang ginsipa sang lalaki, ini iya nga nasagang kag ginlampos ang amo nga lalaki.

Kasunod sini naggabot sang pusil ang lalaki kag sang nakita ini ni Bryan rason nga gilayon siya nagpalagyo.

Gintiro siya sang lalaki pero wala siya maigo.