27-anyos nga lalaki, pilason sang gintiro sang iya himata nga Police Major sa Cabatuan

By: JoMaque | Oktubre 2, 2019, 12:30pm

Cabatuan, Iloilo– Napilasan sa magtimbang nga tiil si Dennis Baylen matapos gintiro ni Police Major Jess Baylon sa Barangay Tinio-an subong nga gab-i, Oktubre 1.

Suno sa iloy sang biktima, nagtambong sa birthday party sang bata ni Major Baylon ang biktima sang natabu ang pagpangluthang.

Posible suno sa iloy nga nagsinabad kag wala magpasaway ang biktima nga ginpahayag may deperensiya sa paminsaron kabangdanan natiruhan sang pulis.

Gindala ang biktima sa Ramon Tabiana Memorial Hospital samtang nagsungka sa Police Station si Major Baylon.

Suno sa report nga naka-agi rehab sa Pototan ang biktima samtang na-assigned bilang hepe sang Malay Police Station si Baylon.

Padayon ang imbestigasyon sang Cabatuan Police sa insidente.