Sara, Iloilo Mayor Jon Aying, nagpatuman sang mas istrikto nga patakaran sa pagkuha sang quarantine pass

By: Aine Grace Bravo | via BBB

SARA, Ilo., March 31, 2020 — Mas istrikto ang ginapatuman nga pagsulundan ni Sara Mayor Jon Aying sa pagkuha sang Quarantine Pass samtang nagapadayon ang Enhanced Community Quarantine.

Suno sa alkalde, tatlo ka pass ang pwede nga mahatag nila sa mga residente.

Una, ang Quarantine Pass agud makakadto ang mga residente sa essential establishements sa ila barangay.

Kun kinahanglan nga maguwa sa barangay, ma-isyu ang punong barangay sang isa pa ka pass.

Samtang kun maguwa sa banwa, kinahanglan sang residente nga mag-secure sang ECQ pass nga pirmado ni Mayor Aying.

Nakabutang sa pass kun diin makadto ang holder kag kun ano ang purpose sang iya pagbiyahe.

Gin-athag ni Aying nga indi kinahanglan nga magkuha sang pass kun may emerhensya.

ON RELIEF GOODS

Mapadala naman si Aying sang bugas kag uga sa mga barangay agud mapanghatag sa mga residente.

Nakasugod na suno sa alkalde sa pagpanghatag sang food assistance ang LGU pero gina-una ang mga nagakinahanglan gid.