Pag-cremate sa napatay nga COVID-19 patient nga taga-Iloilo City, libre sa mga pigado nga wala sang ginabaton nga mga benepisyo — Gegato-Abecia management

By: JoMaque | Sept. 10, 2020

Iloilo City — Wala sang bayad ang pag-cremate sa napatay nga COVID-19 patient nga taga-siyudad sang Iloilo kun pigado.

Suno kay Fely Abecia, tag-iya sang Gegato-Abecia Funeral Homes, may ginpirmahan sila nga dokumento upod sa City Government nga libre ang pag-cremate sa mga napatay nga pigado nga wala sang ginabaton nga benepisyo pareho sang halin sa SSS kag GSIS.

P45,000 ang bayad sa cremation, ukon masobra pa, depende sa urn nga sudlan sang abo, suno kay Abecia.

Sa mga taga-Iloilo Province, may ginabayad suno sa iya ang Provincial Government nga P25,000 sa cremation kag ang nabilin nga P20,000, ginabayaran na sang pamilya sang napatay.