Amendment sa Curfew Ordinance sa Iloilo province, pirmado na ni Gov. Arthur Defensor Jr

ILOILO CITY –Pirmado na ni Iloilo Governor Arthur Defensor Jr ang amendment sa Curfew Ordinance kahapon.

Suno kay Defensor, imbes nga halin las-nueve sa gab-i tubtob las-kuwatro sa kaagahon, ginhimo na nga las-10 sa gab-i tubtob las-kuwatro sa kaagahon ang curfew hours sa bug-os nga probinsya.

Ginpahayag ni Defensor nga wala sang pagbag-o sa mga pagsulundan ang importante ginasunod lang ang minimum health standard pareho sang pagsuksok sang face mask kag face shield kag pag-obserbar sang physical distancing.

Dugang sang gobernador, mangin epektibo ang curfew hours sa probinsiya kon ma-post na ang ordinansa sa tatlo ka “conspicuous places” sa Iloilo Provincial Capitol.