Iloilo City Mayor Jerry Treñas, nag-apelar sa national IATF nga panubuan sa MGCQ ang quarantine classification sang siyudad

By: Aine Grace Bravo | December 30, 2020

ILOILO CITY – “I am doing this for the sake of the morale of the members of [Iloilo City] COVID-19 Team, which has tirelessly done everything to lower the transmission [of COVID-19] in Iloilo City.”

Ini ang rason ni Iloilo City Mayor Jerry Treñas sa pag-apelar sa Inter-Agency Task Force nga panubuan sa Modified General Community Quarantine ang quarantine status sang siyudad para sa Enero. Una na gin-anunsyar ni Presidente Rodrigo Duterte nga magapabilin sa General Community Quarantine ang siyudad sa masunod nga bulan.

Suno kay Treñas, “I think it is really unfair if these efforts of the COVID-19 team will not be recognized by the National IATF by changing the classification of Iloilo City from GCQ to MGCQ, considering that the number of cases [COVID-19] diri sa siyudad, nanaug na by several notches.”

Ginkumpirmar man niya nga napadala na sa National IATF ang iya apelasyon.

Magluwas sa morale, mas manubo na ang na-record nga kaso sang COVID-19 sa siyudad kumparar sa iban nga probinsiya kag siyudad nga ginpaidalom sa MGCQ.

17 percent gid suno sa alkalde ang ginnubo sang kaso subong nga Disyembre kun ikumparar sang nagligad nga bulan.

Pananglitan, pasugtan ang apelasyon sang alkalde nga ipaidalom sa MGCQ ang siyudad, ginpasiguro niya nga wala sang bag-uhon sa mga ginapatuman nga pagsulundan. –via Firingline