Iloilo City, nakakuha sang 91.49 weighted score sa Road Clearing Compliance Validation

ILOILO CITY – Ginpanginbulahan sang DILG-Iloilo City ang siyudad sang Iloilo sang nakakuha sang weighted score nga 91.49 sa Road Clearing Compliance Validation nga gin-conduct sang Pebrero 23, 2021.

Ginkalipay naman ni Anti-Squatting and Illegal Structures Unit (ASISU) Head Mr. Lovejoy Hosenilla, ang mataas nga grado nga nakuha sang Iloilo City sa nagtakop nga road clearing operation.

Wala naglaum si Hosenilla nga 91.49 weighted score ang makuha sa road clearing.

Dugang pa niya, nga bugal sang Iloilo City ang mataas nga grado nga nakuha.

Padayunon sa gihapon ang road clearing operation bisan nga natapos na ang validation para mabantayan nila sang maayo ang naga-obstruct sa dalan.

Kinahanglan nga indi na magnubo ang score sa 91. 49 sa masunod nga road clearing operation sa 2022 bangud makalahuya, suno kay Hosenilla.