Municipal hall sang Sta.Barbara, Iloilo, gin-lockdown bangud sa pagpositibo sa COVID-19 sang pila ka empleyado
ILOILO—Gin-lockdown ang Municipal Hall sang Sta Barbara subong nga hapon, Marso 29.Suno kay Sta Barbara Mayor Rema Somo, may 6 ka mga personnel sa tatlo ka opisina sang Municipal Hall ang nagpositibo sa COVID-19.
Base sa ginpaguwa nga official statement sang alkalde, nagsugod ang lockdown las-tres (3:00PM) subong nga hapon, Marso 29 tubtob Abril 5.
“Ang lockdown akon ginmandu matapos sang assessment nga akon gin-request sa RHU kag sa report ni Dr. Zoe Sucaldito, OIC-MHO subong nga aga, iya gin-recommend ang closure sang bilog nga complex para sa zoning containment, contact tracing kag decontamination,” pahayag ni Somo.
Gikan sa Budget office, Accounting Office kag MSWD ang nagpositibo nga mga personnel.
Nagpanugyan man sa mga residente si Somo nga indi magguwa sa balay kun indi kinahanglan bangud sa pagtaas sang kaso sang COVID-19 sa pungsod kag padayon sa pagsunod sa minimum health protocols.
Sa subong, may 36 ka kaso sang COVID-19 ang banwa suno sa alkalde. — via Brian Valle
