2 arestado sa entrapment operation sang LTO 6, Mandurriao police batok sa nagpangpeke sang driver’s license

ILOILO CITY – Duha ang arestado sa ginhimo nga entrapment operation sang taga-LTO 6, upod sa Mandurriao police, sa Diversion Road, Mandurriao mga las-nueve subong nga aga, Abril 9.

Ginkilala ang mga nadakpan kanday Endralyn Cuerbo sang Calumpang, Molo kag Jessie Alipala sang Cabolo-an Sur, Oton.

Suno kay LTO 6 Assistant Regional Director Atty. Gaudioso Geduspan, sige-sige ang ila operasyon batuk sa mga nagapangpeke sang driver’s license.

Ginpahayag nga naga-operate sila sa Southern Iloilo kag nagapabayad sang P7,000 para sa professional driver’s license.

Nakuha sa ila ang isa ka peke nga driver’s license, marked money kag boodle money kag duha ka Samsung keypad cellphones nga ginapatihan ginagamit nila sa ila illegal nga aktibidad.– via Aksyon Kikik Enar