Isa sa mga madre sang Carmelite Missionaries sa La Paz nga nagpositibo sa COVID-19, napatay — Iloilo City Mayor Jerry Trenas

Ginkumpirmar ni Mayor Jerry Trenas nga napatay kagab-i, Hulyo 31 ang isa sa mga madre sa Carmelite Missionaries sa La Paz nga nagpositibo sa COVID-19.

“I am offering my condolences to the Carmelite sisters of La Paz. One of them who was previously infected by COVID passed away last night. Let us continue to pray for the sisters who are affected as we should continue to understand that we need to be vaccinated,” suno kay Iloilo City Mayor Jerry Treñas.

Matandaan nga gin-lockdown sang Hulyo 25 ang Carmelite Missionaries kasunod sang pagpositibo sa COVID-19 sang 33 ka mga madre kag staff.

Sa 33 ka nagpositibo, 24 diri ang mga madre kag siyam naman ang staff.

Kasunod sini, naghinyo man si Mayor Treñas sa publiko nga magpabakuna agud maproteheran ang kaugalingon batok sa virus.

“Millions all over the world have already been vaccinated and protected from the virus. Let us protect ourselves,” dugang pa ni Treñas. — via Jerry Treñas Facebook page