ADVISORY | LTO6, nagapatuman sang ‘No Appointment, No Entry’ Policy agud malikawan ang pagdugok sang mga may transaksyon sa opisina

ILOILO CITY – Nagapatuman ang Land Transportation Office (LTO) 6 sang “No Appoint, No Entry” Policy sa mga nagatransaksyon sa opisina bilang paghalong batok sa COVID-19.

Ini suno kay LTO 6 Director Eric Tabaldo agud malikawan ang pagdugok kag makontrol ang mga tawo sa sulod sang opisina. “Since Day 1 of COVID-19 [pandemic] we started implementing the ‘No Appointment, No Entry’ sa opisina namon because we want to have crowd control. In that way, ma-limit namon ang tawo sa sulod sang opisina,” suno kay Tabaldo.

I-post sang LTO 6 sa ila website ang contact number sang opisina agud indi maruya ang mga may transaksyon kun wala sila sang appointment.

Gin-athag man ni Tabaldo nga ginapasugtan gihapon nga mag-transaksyon sa opisina ang mga wala pa mabakunahan batok sa COVID-19 “provided nga wala ka lang hilanat.”

Nagasunod gid sa minimum health protocols ang opisina kag dapat nga magpanghugas sang kamot antes magsulod. —with news report from Aksyon Dave Bucayan