Mga netizens, positibo ang nangin reaksyon sa pag-circulate sang bag-o nga P1,000-peso bill
Na-release na sa publiko ang bag-o nga desinyo sang P1,000 bill nga naga-feature sang Philippine Eagle.
Positibo naman ang reaksyon sang netizen nga isa sa mga nakakuha sang bag-o nga 1,000 bill.
Sa Facebook page nga Night Owl by Anna Lamentillo, ginpahayag sang nag-post nga, “love the new 1000 peso bill! Congrats, Bangko Sentral ng Pilipinas!”
Gilayon nga nakatipon sang linibo ka reactions, comments, kag shares ang amo nga post.
Una na gin-report sang Bangko Sentral ng Pilipinas nga gin-release sang Abril 18 ang P1,000 nga polymer banknote agud nga i-test ang acceptance sang publiko sa plastic nga kwarta.
P10-million ang ginpagguwa sang BSP para sa initial circulation sang nasambit nga sahe sang kwarta. | via Night Owl by Anna Lamentillo/Manila Bulletin