September 27, 2022

Alimodian Vice Mayor Geefre Alonsabe, indi pabor sa ginaduso nga same sex union

Read Time:1 Minute, 24 Second

ILOILO — Indi pabor si Alimodian Vice Mayor Geefre “Kalay” Alonsabe sa hagna ni Senator Robinhood “Robin” Padilla nga naga-institutionalize sang same sex union.

Ginpahayag sang bise alkalde nga bisan pabor sa iya ang hagna, may kahadlok siya sa Dios kag bilang Katoliko, kontento na siya kun ano man ang ginhatag sa iya.

Nagapati si Alonsabe nga para lang sa babaye kag lalaki ang kasal bisan pa nga ginahatagan sang equal nga oportunidad, kinamatarong kag proteksyon ang mga pareho niya nga miyembro sang LGBTQ community.

Wala man nagahandum si Alonsabe nga magpakasal bisan pa nga engaged na siya sa iya partner.

Wala ini nagakahulugan suno sa iya nga sila na gid sa ulihi bangud may posibilidad nga magbulagay sila kapareho man sa nagakatabo sa iban nga mag-asawa.

“Indi (man) ako siling nga naga-aspirar (nga magpakasal) even though I am engaged

to somebody, it does not mean and it does not follow nga siya na gid ang forever ko. Ginabulagan gani ang ginapakaslan, how much more ako nga indi mapakaslan.”

Samtang gina-exercise sang bise alkalde ang iya mga kinamatarong nga mangin malipayon, ginahimo niya ini para sa iya kaugalingon kag pwede siya maka-enjoy nga indi mag-engage sa same sex marriage.

Nalipay na si Alonsabe sa simple niya nga pangabuhi kag mapakita sa mga tawo ang iya matuod nga personalidad.

“I know where I stand, I know my boundary, I know my limitations because bal-an ko nga sa katapusan sa amon nga relasyon, waay ako sini kadalag-an kundi tanan-tanan kapierdihan. But the important is, naga-enjoy ikaw samtang ikaw ang naga-engage sa amo sina nga bagay,” ang pahayag sang bise alkalde.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Anini-y, Antique, gintay-ug sang magnitude 5.1 nga linog
Next post 1 patay 3 pilasan sa pagbungguanay sang duha ka motorsiklo sa San Rafael, Iloilo