Jevron Parohinog, may utang nga P7.5 million kag JP Bosque kag P3 million kay Floyd Fernandes suno sa nobya ni Bosque

ILOILO CITY – Ginaklaro sang nobya ni John Paul “JP” Bosque nga si Veronica Dazon nga wala sang utang ang iya nobyo kay Jevron Parohinog.

Wala man suno sa iya sang utang sa online sabong si JP.

“Wala pong hiniram si JP [Bosque] na pera kay Jevron [Parohinog]. Kung tutuusin po, P7 million ang utang ni Jevron sa amin at P3 million kay Floyd [Fernandes],” mensahe ni Dazon kay Aksyon Angel Mae Ciudad.

Si JP Bosque, tumandok sang Sara pero may balay sa Lapaz, upod ang iya mga abyan nga kanday Floyd Fernandes sang La Paz kag Mark Libao sang Jaro ang patay sang ginpangtiro sa Villa Pani-an, Estancia pasado las-12 kahapon sang kaagahon. Kaupod nila si Parohinog nga nagsaysay sa mga pulis nga nakaluwas bangud nakapalagyo siya.

“Sobrang tipid n’un,” ang paglaragway ni Dazon kay JP.

Ginpa-athag ni Dazon nga nagkadto kanday JP sa Estancia para kuhaon kay Parohinog ang P7 million nga ‘utang’ sa ila.

May fishing vessel suno sa iya si JP nga ginpabaligya kay Parohinog pero wala pa mabayaran. Kuhaon na kuntani nila ang kwarta kay Parohinog.

Una na nga ginsaysay ni Parohinog kay PLT Joebert Amado, hepe sang Estancia MPS, nga naghulam sa iya si JP sang P7.5 million, P1.5 million diri ang ibayad suno sa iya sa utang ni JP sa online sabong.

Nagalaum si Dazon nga magguwa ang matuod nga istorya kag indi ang tsismis.