New Lucena LGU mahiwat sang ‘Oink-Oink, Salu-Salo sa New Lucena’

ILOILO — Gin-schedule sang local government unit sang New Lucena sa Disyembre 10, 17, 24 kag 31 ang “Oink-Oink, Salu-Salo sa New Lucena,” ang version sang Pork Festival sang banwa.

Sa Facebook post ni Mayor Liecel Seville, hiwaton ang event sa atubang sang municipal hall, las 10 sa aga.

First come, first serve ang event. Wala sang reservation kag wala sang takeout sa guwa sang banwa.

Katuyuan sini nga masuportahan ang mga local nga manugbaboy sa banwa.

Ang New Lucena gin-classify nga Red ukon Infected Zone sa African Swine Fever.