Mayor Albee Benitez, Mayor Jerry Treñas Top City Mayors sa WV sa ‘Boses ng Bayan’ performance survey
Nagapakita sa “Boses ng Bayan” performance survey sang RP-Mission and Development Foundation, Inc. nga nagapanguna sanday Bacolod City Mayor Alfredo Abelardo “Albee” Benitez kag Iloilo City Mayor Jerry Treñas.
Sa amo nga survey, nakakuha si Mayor Benitez sang 83.7% bisan bag-uhanon pa lang sa iya trabaho bilang alkalde. Halos malapit lang sa nakuha nga 82.9% score ni Mayor Treñas, nga beterano na sa public service.
Lunsay nagtupa sa Top 1 ang duha ka mga alkalde sa amo nga survey. Nagapangaduha sa survey si Ronnie Dadivas sang Roxas City nga may 80.1%; nagapangatlo si Javier Miguel “Javi” Benitez sang Victorias City, nga may 77.5%; Mayor Melecio “Beboy” Yap Jr. sang Escalante City nga naka-claim sang ikaapat nga pwesto paagi sa score nga 73.2%, samtang si Mayor Maria Gina Lizares sang Sipalay City ang naka-secure sang ikalima nga pwesto nga may 71.4%.
Nalakip sa Top 13 sanday Benjie Miranda sang Kabankalan City; Rex Jalando-on sang La Carlota City. Salvador Escalante Jr. sang Cadiz City, Neil Lizares sang Talisay City, Raymund Tongson sang Himalayan City, Rene Gustilo sang San Carlos City kag Stephen Palmares sang Passi City, ang isahanon nga local chief executive sa probinsya sang Iloilo nga nakasulod sa amo nga listahan.
