Lalaki nga konektado sa robbery incidents sa Pototan nadakpan sa drug buy bust operation
ILOILO — Nadakpan ang 23-anyos nga lalaki nga isa sa mga suspetsado sa pila ka mga robbery incidents sa Pototan sa drug buy bust operation sa Brgy. Bagacay sa amo nga banwa.
Ginkilala ang subject kay Ronald Bolante.
Suno kay Police Major Roy Tayona, hepe sang Pototan Municipal Police Station, malapit isa ka bulan ang monitoring nila kay Bolante.
Dugang ni Tayona, miyembro ang subject sang “Bolt Cutter Gang” nga amo ang responsable sa pila ka mga robbery incidents sa nasambit nga banwa.
Apang, madugay na ini nga na-dismantle suno pa sa pulis.
Nakuha kay Bolante ang 6 tanan ka plastic sachet sang suspected shabu nga nagabug-at 4 grams kag nagabalor P27,200.
Sa isa ka area sa Iloilo City nagakuha sang supply sang illegal drugs si Bolante base sa monitoring sang pulis.
