PBBM mapadulong sa Antique, Aklan kag Roxas City sa Oktubre 6

Natalana nga maabot sa San Jose, Antique si President Ferdinand Marcos, Jr. agud nga magpanagtag sang 25 kilo nga bugas sa 1,000 ka mga Pantawid Pamilyang Pilipino Program (4P’s) beneficiaries.

Ini ang ginkumpirmar sang taga- Department of Social Welfare and Development Office (DSWD) 6.

Ang ipanagtag nga bugas ang kabahin sang P42 million nga balor sang smuggled rice, ukon 42,180 sacks nga na-confiscate sang Bureau of Customs (BOC) sa Zamboanga City.

Magluwas sa Antique, mapadulong man sa Aklan kag Roxas City sa Capiz si Marcos.

Ginkumpirmar man sang DSWD 6 nga may nag-abot na nga team sang opisina sang presidente sa Antique agud magpahamtang sang security sa pag-abot ni Marcos.

Personal nga ginpili sang Office of the President ang tatlo ka mga probinsiya.

Sang Lunes nag-abot ang sinako sang bugas sa Binirayan Sports Complex sa San Jose, Antique.