Calinog Bus Line nahulog sa kilid sang karsada sa Lambunao

ILOILO — Naka-agum sang minor injuries ang pila ka pasahero sa 15 ka mga sakay sang Calinog Bus Line (CBL) sang naglamsot ang preno sa Brgy. Gines, Lambunao, Iloilo.

Suno kay Amir Alcarde, driver sang bus, halin sila sa Iloilo City kag padulong kun tani sa Dumalag, Capiz sang nabatyagan niya nga naglamsot ang preno.

May nasumalang pa nga salakyan si Alcarde rason nga ginhulog na lang niya sa higad sang ginakay-o nga kalsada ang bus.

Ginbulong gilayon ang mga pasahero nga nagkalapilasan.