Pulis

Lalaki pilason sang gintiro sang barangay kagawad sa Anilao

ILOILO — Pilason ang 24-anyos nga lalaki sang gintiro sang barangay kagawad sa Brgy. Mostro, Anilao pasado las-9:10 kagab-i.

Ginkilala ang biktima kay Ram John Delmo samtang ang suspek ginkilala kay Kagawad Alan Lagamon sang Brgy. Manganese, Anilao.

Suno kay Police Captain Jessie Lapeña, officer-in-charge sang Anilao police station, naga-inum inom sa ila balay ang biktima upod ang iya mga utod antes natabo ang insidente.

Sang natapos na sila, nagpadulong sa tyangge ang utod sang biktima para magbakal sang sigarilyo nga malapit sa balay sang barangay kagawad. Sang nakalab-ot sa tyangge, may pagbina-isay nga natabo sa tunga sang suspek kag sang utod sang biktima.

Ginpahayag sang police nga naglabay ang biktima sa atubang sang balay sang suspek kag nag-intra sa pagbina-isay sang hinali lang gintiro ni Kagawad Lagamon.

Nakaagum sang pilas sa agtang, sa likod sang ulo kag sa tuo nga kamot ang biktima nga padayon ginabulong sa ospital sa syudad.

Nagpalagyo si Kagawad Lagamon padulong sa nabukid nga porsyon sang Anilao matapos ang pagpangtiro.

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply