Regional oath taking sang mga local official sa Western Visayas sa Partido Federal ng Pilipinas sa Abril 10, indi madayon

Indi madayon ang pagsaylo sang masobra 700 ka mga local officials sa rehiyon sa Partido Federal ng Pilipinas sa Abril 10 sa Iloilo City

Ini tungod nga indi available sanday Presidential son kag Ilocos Norte 1st District Congressman Alexander Ferdinand “Sandro” Marcos kag Special Assistant to the President Antonio Lagdameo, Jr. sa una nga petsa.

Sa impormasyon nga nakuha sang Aksyon Radyo Iloilo, ginsaylo sa ikatatlo nga semana sang Abril ang aktibidad.

Una na ginhingyo ni Iloilo Governor Arthur Defensor, Jr. kag Regional Chairman sang nasambit nga partido ang pagtambong nanday Marcos, Lagdameo kag PFP President South Cotabato Governor Reynaldo Tamayo, Jr.

Pasakupan sang mga opisyales halin sa Iloilo City, Iloilo, Guimaras kag Negros Occidental ang oath taking.

Ang Partido Federal ng Pilipinas ang partido ni President Ferdinand Marcos, Jr sang 2022 presidential elections.