Iloilo City naka-record sang una nga pertussis death
Ginkumpirmar ni Iloilo City nga naka-record ang siyudad sang labing una nga kamatayon tungod sa pertussis ukon whooping cough.
Sa bulletin nga ginpaguwa sang city government, ginkumpirmar ang isa ka napatay tungod sa makalalaton nga respiratory infection.
Suno sa alkalde, isa ka bulan nga bata ang napatay.
As of April 12, may 10 na ka laboratory confirmed nga kaso sang pertussis sa siyudad.
Sang nagligad nga bulan, ginpa-idalom ang siyudad sa state of calamity tungod sang pertussis outbreak.
Sa una na nga interview sang Aksyon Radyo Iloilo kay Dr. Jan Raygine Ansino nga medical officer sa Iloilo City Epidemiological Surveillance Unit, makalalaton ang pertussis kag naga-transmit paagi sa droplet kag pinaka-high risk ang mga bata nga naga-edad 12 ka bulan panubo, nagabusong kag may mga comorbidities.
