IPPO Director, Col. Ronaldo Palomo gin-relieve

ILOILO — Ginkumpirmar ni Police Colonel Ronaldo Palomo nga iga-relieve siya bilang director sang Iloilo Police Provincial Office (IPPO).

Suno kay Palomo, kaina sang hapon siya ginpahibalo ni Police Brigadier General Jack Wanky, director sang Police Regional Office (PRO) 6 nga pagatal-usan siya sa puwesto ni Police Colonel Bayani Razalan, chief sang Regional Intelligence Division sang PRO6.

Dugang pa ni Palomo, gin-relieve siya para sa iya “career development” pero wala pa sang ginhatag nga bag-o nga assignment sa iya si Wanky.

Ginpahayag naman ni Palomo nga buwas hiwaton ang turnover of command ceremony sa IPPO Headquarters.

Masobra pa lang isa ka tuig nga nagpangalagad nga director sang IPPO si Palomo nga nagsugod sang Marso 2023. — via Aksyon Maria Kayla Tingzon