Non-commissioned, independent kag informal survey sang Aksyon Radyo Iloilo liwat ginlunsar para sa 2025 midterm elections
Liwat nga ginlunsar sang aksyon radyo Iloilo ang non-commissioned, independent kag informal survey sa mga potential nga kandidato sa siyudad sang Iloilo para sa 2025 midterm elections.
Katuyuan sini nga mahimbisan ang mga kandidato kag mahimulsuhan ang mga botante sa siyudad.
Una nga ginpagguwa sang estasyunan ang initial scoring sang apat ka potential nga kandidato sa pagka-kongresista nga amo sanday incumbent Congresswoman Julienne “Jam-Jam” Baronda; Iloilo City Mayor jerry Treñas; ang bata sang alkalde nga si Raisa Treñas-Chu kag si First Lady Liza Araneta-Marcos.
Ginpamangkot ang mga respondents kun sin-o sa mga potential nga kandidato ang ila piliun kun subong hiwaton ang eleksyon.
Ang partial result sang survey ginhiwat sang Abril 8 tubtob 12 kag Abrll 15 tubtob 19 sa 380 ka mga respondents sa pito ka mga distrito sa siyudad.
INITIAL SCORING
Mas ginapili sang mga botante sa siyudad sang Iloilo si incumbent Congresswoman Baronda nga mangin kongresista kun subong hiwaton ang eleksyon.
Base ini sa initial scoring sang non-commissioned, independent kag informal survey sang Aksyon Radyo Iloilo para sa 2025 midterm elections//
Sa 380 ka mga respondents sa pito ka distrito sang siyudad nga ginhatagan sang forms, 366 diri ang valid kag 14 ang invalid.
Sa initial scoring sang survey, nakuha ni Baronda ang 175 votes kumparar sa 110 votes ni Mayor Treñas nga una na nagpabutyag sang posibilidad nga mapadalagan sa pagka-congressman.
Nagapangatlo naman ang bata sang alkalde nga si Raisa nga may 55 votes kag nagapang-apat si First Lady Liza Marcos nga may 26 votes.
