Mr. Salvador “Jun” Capulot, Jr. wala pa makadesisyon kun ano nga posisyon ang padalaganan sa Iloilo City para sa 2025 midterm elections

Ginapaminsar pa ni mr. Salvador “Jun” Capulot, jr. ang iya plano para sa 2025 midterm elections.

Sa subong, suno kay Capulot, wala pa siya sang pat-ud nga desisyon kun bala ano nga posisyon ang iya padalaganan tungod masyado pa ka temprano kag wala man siya sang linyada nga updan.  

Apang pananglitan nga magdesisyon, posible nga magpadalagan siya sa pagka-konsehal bilang independent candidate. 

Mas maayo nga wala siya sang may gina-apinan tungod nahibaluan niya nga nag-updanay man sadtu sanday Mayor Treñas kag Congresswoman Julienne “Jamjam” Baronda.       

Sa partial result sang non-commissioned, independent kag informal survey sang Aksyon Radyo Iloilo, nalakip ang pangalan ni Capulot sa mga potential candidates sa pagka-konsehal sa siyudad kag nalakip man siya sa top 12 councilors nga madaug kun subong hiwaton ang eleksyon. — via Aksyon Firingline