State of calamity ideklarar sa probinsya sang Iloilo tungod sa epekto sang el niño — Gov. Arthur Defensor, Jr.

ILOILO — Natalana nga magdeklarar ang Sangguniang Panlalawigan sang state of calamity tungod sa epekto sang El Niño phenomenon sa nagkalain-lain nga sektor sa probinsiya sang Iloilo.

Ini ang ginkumpirmar ni Governor Arthur Defensor, Jr. matapos ang meeting sang Provincial Disaster Risk Reduction and Management Council.

Suno kay Defensor, adjusted measure ang himuon sang probinsiya agud ma-access sang provincial government ang calamity fund kag makatan-ay sang bulig sa mga sector nga apektado sang El Niño kapareho sang agrikultura.

Sa ginpresentar nga data sang PDRRMC, may P1.025 billion na ang kahalitan sang El Niño sa sa agrikultura kag fisheries.

Apektado ang mga humayan nga may P653,000 nga kahalitan, kamaisan nga may P219,000 nga kahalitan, kag high value crops nga may P136,000.

Sa fisheries, nagdangat sa P16,000 ang kahalitan kag sa live stock and poultry, may P196,000 na nga kahalitan.

Sa kabug-usan, nagalab-ut na sa 88,764 ka mga mangunguma kag mangingisda ang apektado sang tuman kainit nga panahon. — via Aksyon Cedrick Anona