Probinsya sang Iloilo ginpaidalum sa state of calamity tungod sang el niño phenomenon
ILOILO — Unanimously approved sang Sangguniang Panlalawigan ang rekomendasyon sang Provincial Disaster Risk Reduction and Management Council (PDRRMC) nga ipaidalom ang Iloilo sa state of calamity tungod sa kakulang sang tubig kag daku nga halit sa agrikultura nga epekto sang nagapadayon nga El Niño phenomenon.
Gin-file ni 2nd District Board Member June Mondejar ang motion kag gilayon naman nga ginpaboran sang mga katapo sang Sangguniang Panlalawigan.
Nagapadayon pa nga gina-istoryahan ang mangin kabug-usan nga budget.
Sa datos nga ginpresentar sang PDRRMC, nagdangat na sa P1.025 billion ang kahalitan sang El Niño sa agrikultura sa diin 379 ka mga barangay ang naka-eksperyensya sang kakulang sang supply sang tubig.
May kabug-usan nga 147,420 ka mga individuals ang apektado.
Una na nga nagdeklarar sang state of calamity ang Sara, Bingawan, Estancia kag Passi City. — via Aksyon Cedrick Anona
