29-anyos nga driver patay sang nadanlog ang ginamaneho nga motorsiklo kag nakabunggo sa SUV sa Passi City

ILOILO— Patay ang 29-anyos nga driver sang motorsiklo sang na-aksidente sa Brgy. Punong, Passi City kahapon sang aga, Hunyo 25=6.

Suno kay Police Lieutenant Colonel Benjo Clarite, hepe sang Passi City Police Station, padulong sa Iloilo City ang direksyon sang motorsiklo nga ginamaneho ni alyas JP sang Negros Occidental.

Sa imbestigasyon, nadanlog ang motorsiklo kag nakabunggo sa SUV nga yara sa pihak nga lane.

Nakaagum sang pilas sa nagkalain-lain nga parte sang lawas ang biktima.

Ginhingagaw pa dala sa ospital ang biktima pero gindeklarar nga napatay. — via Aksyon Farrah Mae Morano