Pagtukod sang Special Investigation Task Group agud mag-imbestigar sa pag-ransack sa Iloilo Supermart sa Jaro irekomendar sang ICPO sa PRO 6
Igarekomendar sang Iloilo City Police Office sa Police Regional Office 6 ang pagtukod sang Special Investigation Task Group nga maga-imbestigar sa pag-ransack sang Iloilo Supermart sa Jaro sang Agosto 27.
Suno kay Police Major Shella Mae Sangrines, spokesperson sang Iloilo City Police Office, lakip sa mga parametro nga ila ginatan-aw agud maaprubahan sang PRO6 ang rekomendasyon sang SITG amo ang imbestigasyon sa diin nagaguwa nga agi sang Termite Gang ang pagsulod sa establisimento kag ang mga pamaagi sang mga suspects nga maka-establisyar gilayon sang koneksyon sa siyudad nga nagresulta sang madinalag-on nila nga pag-operate.
Pagabug-usan ang SITG sang investigation unit sang ICPO, hepe kag mga imbestigador sang Jaro police, City Legal Officers, Criminal and Investigation Detection Group kag Forensic Unit ang pag-follow up sa direksyon sang insidente tubtob mahatagan ini sang kasanagan kag kasolbaran.
Sabado, Agosto 31, sang nagsapol ang special investigation team sang ICPO sa pagplastar sang plano agud sa ma-id-id nga pag-imbestigar sa natabu. — via Aksyon Maria Kayla Tingzon
