International Builders Corp. nagdaug sa bidding para sa 2nd phase sang rectification sa Ungka Flyover

Nagdaug ang International Builders Corporation sa bidding para sa ikaduha nga phase sang pagkay-o sang kontrobersyal nga Ungka Flyover.

Ini ang ginkumpirmar ni Department of Public Works and Highways (DPWH 6) Director, Engr. Sanny Boy Oropel.

Nagapati si Engr. Oropel nga “most qualified” ang IBC tungod sila ang nagdaug sa bidding.

Wala man suno sa iya sang proyekto ang IBC nga nangin palpak sugod sang siya ang nangin director sang ahensya.

Ginpahayag niya nga ang design ang problema kun ngaa nangin palpak ang Ungka Flyover kag indi ang mga tawo sang DPWH 6 kag ang contractor.

Padayon nga ginabasol ni Engr. Oropel ang United Technologist Partnership nga una nga consultant nga gin-hire ang DPWH central office. — via Aksyon Cedrick Anona