225 ka “boga” nakumpiskar sang ICPO sa pagtapos sang New Year celebration sa siyudad
Naglab-ut sa 225 ka mga improvised cannons ukon boga ang nakumpiskar sang mga personnel sang Iloilo City Police Office sa pagtapos sang New Year celebration sa siyudad.
Ini halin sang Disyembre 28, 2024 tubtob Enero 2 subong nga tuig.
Suno kay IPPO Spokesperson Police Major Shella Mae Sangrines, naga-edad 10 ka tuig tubtob 17-anyos ang kadamuan nga nakuhaan sang boga.
Sa ano nga numero, 29 ang nakumpiskar sang mga personnel sang Police Station 1 kag 14 sa Police Station 7 sa City Proper; 19 sa La Paz Police Station; 39 kag 19 sa Police Station 3 kag Station 9 sa Jaro; 35 sa Molo Police Station; 23 kag pito sa Police Station 5 kag Police Station 10 sa Mandurriao; 10 sa Arevalo Police Station; 18 sa Police Station 8 sa Lapuz; kag 13 ang nakumpiskar sang mga personnel sang Mobile Patrol Unit.
Magluwas sa boga, nakakuha man ang ICPO sang 25 ka mga illegal nga palupok.
Base sa assessment sang ICPO, diutay ang nakumpiskar nga palupok subong nga tuig kun ikumparar sa tinalikdan nga selebrasyon sang New Year. — ICPO
