Mayor Jerry Treñas kay former Mayor Jed Mabilog: It is common knowledge that he had connections with drug lords

ILOILO CITY—Ginpabutyag ni Iloilo City Mayor Jerry Treñas nga wala siya nakahambal nga limpyo na ang ngalan ni former Mayor Jed Patrick Mabilog sang nagsaka sa City Hall ang anay alkalde sang Septiyembre 20, 2024 pagkatapos sang pito ka tuig nga self-exile sa abroad.

“I said I was happy that he cleared himself at the QuadCom (on illegal drug trade crimes),” suno kay Mayor Treñas.

Ginpabutyag sang alkalde nga gintrato niya sang maayo si Mabilog sang nagpadulong sa iya opisina bisan pa nahibaluan niya ang plano sang kampo sang mga Baronda kontra sa iya sa eleksyon.

Ginpabutyag man niya nga nagpangayo siya sadto sang bulig para sa anay alkalde kay former House Speaker Pantaleon Alvarez pero ginhambalan siya sang opisyal nga “marami [ang] ebidensya sa kanya.”

Ginpahayag man sang alkalde nga nahibaluan na sang publiko ang koneksyon ni Mabilog sa mga drug lords.

“Mr. Mabilog claims he is innocent—but he cannot deny what people think he has done here,” dugang pa sang alkalde.

Suno pa sa alkalde, “self-serving testimony” lang ang pag-claim ni Mabilog nga klaro na ang iya ngalan angut sa illegal drug trade.

Sa kickoff rally sang Team Uswag sang Biyernes, Marso 28, ginpabutyag ni Mayor Treñas nga ginbudlayan siya sa pagpabangon sang siyudad sang ginbansagan nga “most shabulized city” ang Iloilo sa termino sang anay alkalde.

“Ginpabugal niya [nga] world class Mayor siya. World Mayor ginhimo ‘ya most ‘shabulized’ ang siyudad. Gusto sila magbalik para balikon naman nila druga. Indi na, never again,” ang kabahin sang speech sang alkalde sa kickoff rally. — Aksyon Marvin Malificiar