Masobra tunga sa milyon nga balor sang suspected shabu na-recover sa HVI sa Balasan

ILOILO — Na-recover sa ginakabig high value drug personality ang P544,000 nga balor sang suspected shabu sa drug bust operation sa Brgy. Tinguian, Balasan pasado kagab-i, Abril 1.

Ginkilala ang subject kay alyas Junjun nga nakaagi na nadakpan sa buy bust operation kag nakuhaan sang pusil sa checkpoint.

Suno kay Police Captain Renzo Martinez, officer-in-charge sang Balasan Municipal Police Station, konektado si Junjun sa drug subject nga nadakpan kag nakuhaan sang P6,000,000 nga balor sang suspected shabu sa Brgy. Kinalkalan, Balasan sang nagligad nga bulan.

Naga-operate sa mga kabanwahanan sa Northern Iloilo ang subject nga may upod nga ginahimo niya nga runner sa mga transaksyon.

Walo ka sachet sang suspected shabu ang na-recover nga nagabug-at sang 80 grams. — Aksyon Paula Elambayo