Most Rev. Midyphil B. Billones masugod na pangalagad bilang bag-o nga arsobispo sang Archdiocese of Jaro
Masugod na pangalagad si Most Reverend Midyphil B. Billones bilang bag-o nga arsobispo sang Archdiocese of Jaro subong nga adlaw.
Las-9 subong nga aga, hiwaton ang Solemn Pontifical Mass with Rite of Canonical Installation ni Billones sa Jaro Metropolitan Cathedral bilang ika-pito nga arsobispo sang Jaro.
Buslan niya si Most Reverend Jose Romeo Lazo nga nagpanaog sa puwesto kadungan sang iya ika-50 nga anibersaryo sa pagkapari kahapon.
Si Billones ang gin-appoint ni Pope Francis nga Archbishop sang Jaro sang Pebrero 2. Antes sini, siya ang Auxiliary Bishop of Cebu.
Tumandok siya sang Panay, Capiz. Nagtapos siya sang Philosophy sa St. Vincent Ferrer Seminary sa Jaro kag nagkuha sang master’s degree in theology sa Loyola School of Theology sa Quezon City.
Gin-ordinahan siya sang Oktubre 2, 1995. Nagpangalagad bilang Parish Vicar sa Jaro Cathedral halin sang 1995 tubtob 1997; Secretary to the Archbishop halin sang 1997 tubtob 2,000 kag nangin miyembro sang Presbyteral Council sang 2000 tubtob 2001.
