Tatlo ka mga persons of interest ang ginasundan sang Pavia police nga may kahilabtanan sa pagtiro patay sa duha ka mga lalaki sa Barangay. Jibao-an, Pavia sang Pebrero 27 sang gab-i.
Ini ang ginkumpirmar ni Police Major Rolando Araño, hepe sang Pavia Police Station.
Ginpabutyag ni Araño nga ang mga na-identify nila nga persons of interest ang may koneksyon sa mga ginasundan nga motibo sa pagpatay kanday Michael Quizon sang Ticud, La Paz kag Kenneth Limbaco sang Desamparados, Jaro.
Ginalakipan ini sang pagkaulamid ni Limbaco kag Quizon sa illegal drugs, negosyo nga gina-manage ni Quizon kag ang pagbuno kay Limbaco sang Agosto 2022.
Sa subong, gina-validate pa sang police ang tanan nga impormasyon nga ila nabaton.
