Lalaki nga natiruhan matapos nagpangawat sang manok sa Jaro, nakilala na!

Iloilo City — (UPDATE) Nakilala na ang lalaki nga nasapwan patay sa Bitoon, Jaro kahapon. Ginkilala ini kay Kent Gubatanga-Brillo, 25 anyos sang Barangay Ticud, La Paz.

Ginpahayag nga kabahin si Brillo sa grupo sang mga nagapangawat kag involved sa “Basag Kotse” sa syudad.

Naabtan si Brillo upod sa duha ka iban pa samtang nagapangawat sa manokan ni Joebert Demetillo.

Napilasan ang utod ni Joebert nga si Joseph matapos nabun-an sa nagluntad nga komosyon sang nadakpan ang tatlo samtang nagapangawat.

Nakapalagyo ang mga kaupdanan ni Brillo sakay sa tricycle.

Narecover sa lugar ang tatlo ka inugbulang nga manok nga nasulod sa sako, kutsilyo, isa ka libo ka pesos nga kuwarta, tsinelas kag duha ka kalo. (JoMaque)