#Tigkalalag2015: Iloilo City Police Office, nagpanugyan sa publiko nga likawan ang pag-post sa social media pareho sang Facebook sang status nga magahatag sang interest sa mga kawatan!!!

Iloilo City–Ginpanugyanan sang Iloilo City Police Office (ICPO) ang publiko nga likawan ang pag-post sa social media pareho sang Facebook nga nagapahibalo sa tanan nga bayaan nila ang ila balay ukon naga-isahanon sila sa balay sa tiun sang Fiesta Minatay.

Suno kay Supt Gilbert Gorero, spokesman sang ICPO, ini bangud nagahatag ini sang oportunidad sa malain nga mga elemento agud magpamentaha sa pagdugok sang mga tawo sa patyo agud magbisita sa ila minatay.

Ang seguridad suno kay Gorero, naga-umpisa sa kaugalingon sang tagsa-tagsa kabangdanan mas maayo nga mangin mahinalungon ilabe na sa mga gina-post sa social media. (Aine Grace Bravo)