SPO1 Arnold Lizada nga gintudlo nagtiro patay sa iya opisyal sa 2nd Maneuver Platoon, gin-charge na nga AWOL

Iloilo–Gin-charge na nga absent without official leave ukon AWOL si SPO1 Arnold Lizada, ang gintudlo nagtiro patay kay Inspector Christian Lee Nelmida nga team leader sang 2^nd Maneuver Platoon nga na-base sa Jibolo, Janiuay.

Ginkumpirmar ni IPPO Director Sr/Supt. Roderick Augustus Alba nga nakasumiter na sang report ang company commander sang Iloilo Provincial Public Safety Company nga nagapahibalo sang status ni Lizada. Kun indi maka-report sa trabaho sa sulod sang 30 ka adlaw si Lizada, makonsiderar na ini nga AWOL kag indi makabaton sang sweldo kag mga benepisyo halin sa PNP. Gin-athag ni Alba nga padal-an gihapon nila sang serye sang return-to-work order si Lizada sa sulod sang 30 ka adlaw bilang kabahin sang proseso.

Una na ginpasakaan sang kaso nga murder si Lizada kag masunod nga iga-file ang mga kaso administratibo batuk sa iya. (Aine Grace Bravo)