Lalaki nga gintiro patay sa Molo sang weekend, ginpahayag nga nagagamit sang illegal drugs!

Iloilo City–Nagagamit sang illegal nga druga si Glen Josal, 42 sang Zone 3 Boulevard, Molo nga gintiro patay Sabado sang gab-i.

Ginkumpirmar ini sang utod nga babaye ni Josal suno kay Punong Barangay Jing Villanueva. Pero indi makapat-ud si Villanueva kon may kaangtanan gid man sa illegal drugs ang motibo sa pagpatay sa biktima.

Ginpahayag ni Villanueva nga kilala nga masabad si Josal ilabe na kon naka-inum kag napreso naman matapos nadalahig sa pagpatay sa Indian national.

Nagapungko si Josal sa atubang sang isa ka balay sang ginlabayan sang suspek kag gintiro. May mga igo ini sa ulo, dughan kag hawak. Wala pa nakilala ang suspetsado sa pagpangluthang. (Aine Grace Bravo)